Über uns
Eismal äs Labibi, immär äs Labibi

Wiär sii ä Guggumüsig, abär wiär sii nu vill meh wa das: wiär sii ä grossi Famili. Will wennd eismal ä Teil va iisch bisch, de wirsch sus oi immär bliibu. Iischu Gründär und Oldies bigleitunt iisch "uf Schritt und Tritt" und griffund schisch kehrig unär d'Arma.

Ziil vanä Labibini isch fär güäti Stimmig z'sorgu, müsikalisch z'unärhaltu, sus gäbig mitänand z'ha und zwischudri oi mal ä chleini Party z'fiiru. Oi ohni Notä gäbä wiär iischärs beschta und bi dä Üftritta maximali 120%.

Am Gigälimentag hewär Heimvorteil, zwar enär hinär där Bühnu (und Bar), abär oi das macht iisch ä riesu Freid, z'gseh und z'kehru wiä Guggumüsigä, Trichjiär und Maschgini z'Dorf in klangvolli, kuntärbunti, konfettiriichi Strassä värwandlunt.

In dem Sii:

Eismal äs Labibi - immär äs Labibi!